سریاب شال آن جون ئٹی پاکستانی لشکر نا دُو آن بیگواہ مروکا ظہیر بلوچ نا آجوئی کن برانز برجاء ءِ۔
اینو ہزاراتا کچ ئٹ مخلوق برانزی ریلی ٹی بشخ ہلک۔
بلوچ یکجہتی کمیٹی نا راہشون ڈاکٹر ماہ رنگ بلوچ ریڈ زون ہاکی چوک آ تران کرسہ پارے کہ چِھل بندغ داسکان توروک ءُ، شال ئنا پولیس اسلام آباد پولیس نا کار کڑد ئے کننگ ئٹی ءِ۔ خواست آتا پوروی اسکان دھرنا برجا مرو۔
او مخلوق آن خواست کرے کہ ہندن مُچ مرسہ اوار مبو، ریاست موبائل نیٹ ورک ئے بند کننگ ئٹی ءِ۔
او پارے کہ ریاست سوبر مرے نہ تو عوام مون آ مرسہ تینکہ تینٹ کسر جوڑ کرو، نن امن ئٹ رہینگوکو بندغ اُن ہرا فوجیک نیاڑی تا شلوار تہ چھکّانُہ دا ہموڑیسکان ہم بنّنگ کیرہ۔
او پارے کہ ننا برانز ظہیر بلوچ نا آجوئی کن ءِ نن مچّٹ ہم پدی مروفن۔
یات مرے درو بیگواہ ظہیر بلوچ کن پیشتموکا ریلی ئے اِرا جاگہ آن پولیس لٹھ کُٹ کرے۔ ہندن سُم کاری ٹی نُہہ بندغ ٹھپی مسّہ ہرافتیٹ اسٹ نا حالت نازُرک پاننگک۔
پولیس برانز کروکاتہ لٹھ کُٹ تون اوار اوفتا خڑینکی گیس ہم یلہ کرے ہراکا پد او ٹھپی مسّہ۔ اوفتیٹ نیاڑی و چُنا ہم ارے، او وخت آ نیاڑی تا گُد آتہ ہم چِکّنگا۔
