شال : بلوچ نیشنل موومنٹ بی این ایم نا جارکش تینا شنگ کروک درشان ئسیٹی پارے کہ گلہ من وزیر پشتون قوم و وطن نا روح ئنا توار ئسک۔ او تینا شاعری ئٹ پشتون قوم و افغان ملت ئٹی سیاسی بیداری نا کاریم ءِ کریسس۔ او افغان وطن نا راست انگا عاشق و پشتون قوم ئکن ایمان دار ءُ راہشون ئس ئسک۔
او پارے کہ پاکستانی ریاست ارا وخت آ کس ءِ تینا عدالت و قانون ئٹ شکست کیرہ تو اودے ابید عدالت اڈ کیرہ ۔ گلہ من ءِ پاکستانی ریاست اندا حربہ ءِ کارمُز کریسہ خلیفیک ۔
بی این ایم نا جارکش پارے کہ گلہ من نا شہادت آن خطہ اسہ پرجوچ ورنا انقلابی شعر پاروک آن محروم مس ۔ بلوچ نیشنل موومنٹ نا راہشون و ممبر آک اودے درود ندر کیرہ او دا نسخان آن پشتون قوم و افغان ملت ، پشتون تحفظ موومنٹ پی ٹی ایم و اونا خاہوت تون است ہسونی نا اظہار کینہ ۔
