بلوچ آزاتی دوست راہشون اختر ندیم بلوچ ایکس آ ٹویٹ کرِسہ پارے کہ شال ئنا کوچہ غا تیٹی بربریت تیوہ خننگیک ولے بلوچ راج ئنا مار و مسنک دافتا مشاہدہ کرِسہ بھلُن مسُنو۔ دا نسل اُرا تیٹ چھاپہ و مسخ آ جون آ تے خنانو، ولدا ہم اوفتا خن تیٹ کنے اُمیت نظر بریک، بیم نہ۔
بلوچ راہشون پارے کہ بلوچ ورناک، مزاحمت نا زریعت ئٹ ریاستی جارحیت نا برخلاف سلوک ءُ۔ دا بربریت بیرہ نفرت ئے پین ودی کرو، و دا شدت ریاست ءِ کُنو۔
