بلوچستان نا دریابی شار گْوادر آن پاکستانی لشکر و ڈھکوک ادارہ آ تا کارندہ آک اِرا ورنا ئے برمتہ کرِسہ بیگواہ کریر۔
حوال آ تا رد ئٹ لشکر و ڈھکوک ادارہ آ تا دُو آن بیگواہ مروکا ورنا تا پجار امداد ولد حسین و آدم ولد نسیم نا پِن ئٹ مسُنے ہرا دشت ئنا ہندی ءُ و اوفک اَسہ خاہوت ئسے آن ءُ۔
بیگواہ امداد ولد حسین ئے پاکستانی لشکر و ڈھکوک ادارہ آ تا کارندہ آک اینو گْوادر ئٹی اَسہ دکان ئسے آن برمتہ کریر۔ نسیم ئے 8 جولائی آ کنٹانی آن برمتہ کرِسہ بیگوال کریسُر۔
تمپ بالیچہ آن ہنوکا دے پاکستانی لشکر نا دُو آن بیگواہ مروکا چُنک سن مار عبید جلال خان آجو مرِسہ اُرا ئے سر مس۔
او ورنا چاگڑدی باسک زبیر آسکانی نا چُنکا ایلم ءِ، خاہوت اونا آجوئی ئے پک کرینے۔
ایلو نیمہ آ کوئٹہ ٹی بیگواہ مروکا ظہیر نا آجوئی کن برانز برجاء ءِ، اینو ہندا حوال ئٹ اَسہ برانزی ریلی ئس کشنگ ءُ۔
