ڈاکٹر ماہرنگ بلوچ لبنان نا شہر بیروت ئٹی اڈ تروکا مڈل ایسٹ یوتھ کانفرنس ئٹی ویڈیولنک نا زریعت ئٹ تران کرے۔
بلوچ یکجہتی کمیٹی نا آرگنائزر و بندغی حق آ تا باسک ڈاکٹر ماہرنگ بلوچ سوشل میڈیا پکیٹ فارم ایکس آ تینا اَسہ پوسٹ ئسیٹی پشتون تحفظ موومنٹ نا سروک و انقلابی شاعر گیلامن وزیر آ جلہو نا مذمت کرِسہ پارے کہ دا ریاست پرامن سیاسی جہدکار تا برخلاف بے دادی و جبر نا اَسہ ہندنو ماحول ئس ودی کرینے کہ ہرانگا پشتون، بلوچ، سندھی، کشمیری، گلگتی، مہاجر و اِیلو مظلوم راج آک پر امن سیاسی باسک آ تا زند ہر وخت زند و موت ئنا کشمکش ٹی مریک۔
اونا پاننگ اسک کہ ای بندغی حق آ تا کُل ادارہ آ تیان خواست کیوہ کہ او گیلامن وزیر کن توار بُڑز کیر و پرامن سیاسی باسک آ تا زند ئنا رکھ کن زو گھام ارفر۔
یاتی مرے گیلامن وزیر آ پاکستان نا بنجائی شار اسلام آباد ئٹی مَنہ دے مُست جلہو مسس۔
گیلامن وزیر بھاز ٹپی ءِ و پمز ہسپتال ئٹی اونا علاج مننگ ءِ، ہسپتال آن پیشن پی ٹی ایم نا باسک آک بھلو کچ ئسیٹی ساڑی ءُ۔
