بلوچ یکجہتی کمیٹی نا راہشون ڈاکٹر ماہرنگ بلوچ چاگڑدی حوالکاری نا سائٹ آ پارے کہ بلوچستان ئٹی امپیریل میگا پراجیکٹس، ہمر کہ چائنہ پاکستان اکنامک کوریڈور( سی پیک)، بلوچ نسل کشی ٹی ریاست نا دُو تے سوگو کننگ ئٹی اہم کرداد ادا کیک۔ دا منصوبہ آک ترقی نا آڑ ئٹی بلوچ راج ئنا استحصال ءِ کیرہ و اوفتا برخلاف ریاستی کاروائی تے ودی تیک۔
ماہ رنگ بلوچ پارے کہ بلوچ راجی مُچی نہ بیرہ بلوچ زنک کشی نا برخلاف و بلوچ راج ئنا بقاء نا برانز مرو بلکن دا اَسہ تاریخی ریفرنڈم ئس ہم مرو۔ دا واقعہ دا ہیت نا پڑو ترو کہ بلوچ راج نا نابودی و زنک کشی ئے ہچ دروشم ئٹ برداشت کروفن۔
یاتی مرے کہ بلوچ یکجہتی کمیٹی ہندا تُو ئنا 28 تاریخ آ گْوادر ئٹی اَسہ ” بلوچ راجی مُچی“ نا پِن ئٹ اَسہ مُچی ئس اڈ تننگ ءِ۔
