گْوادر ٹی مروکا ‘بلوچ راجی مُچی’ نا حوالہ ئٹ بلوچ یکجہتی کمیٹی چاغی نا بنجاہی باسک آتا ساڑی گِری ٹی دیوان
بلوچ یکجہتی کمیٹی چاغی نا بنجاہی شار دالبندین ئٹی دیوان ئس اڈ تس، ہراٹی گوادر ٹی مروکا ‘بلوچ راجی مُچی’ نا بارٹ تران کننگا۔
بلوچ یکجہتی کمیٹی نا راہشون آک پاریر کہ مخلوق ئے خبر مرے کہ بلوچ یکجہتی کمیٹی ‘بلوچ راجی مُچی’ ئے انتئے کننگ ئٹی ائے۔ دا خاطر آن کہ دا ریاست بلوچ آ ہڑدے پھاش کیک او غلام اے، ریاست ہڑدے بلوچ ئے زور ئٹ بیگواہ کیک۔
او پاریر کہ ریاست سرحد آتا ہڑدے بلوچ ئے خَلیک، داسا دا زوراکی نا برخلاف جہد ہر بلوچ آ فرض اے۔ ماہ رنگ بلوچ ہندا خاطر آن گوادر ٹی مُچی ئس اڈ تننگ ئٹی اے کہ غُٹ بلوچ آتہ اسٹ کین، و بلوچ تینا حق آتیک توار ہفّنگ کے۔
بلوچ یکجہتی کمیٹی نا راہشون آک پاریر کہ چاغی نا مخلوق مُچی آ ہِننگ کن و کمک کن بلوچ یکجہتی کمیٹی چاغی نا کاریم کروک و زمہ وار تون حوال کے۔
