اِرا سال آن بیگواہ مشکے نا رہینگوک ممتاز بلوچ نا ایڑ ئنا مسڑ بانڑی بلوچ پارینے کہ ریاست مشکے ٹی غزہ نا وڑ ظلم و تادی کننگ ئٹی اے، ہراڑے نا مخلوق اوڑے رہینگنگ کپک۔ فوج ئنا زوراکی تان ہمپسہ ایلو شار تیٹ مزوری کروکاتہ اوڑے ہم الّیپسہ۔ کنا ماما ممتاز بلوچ ئے خضدار آن بیگواہ کریسُہ۔
او پارے کہ کنا ماما شش ستمبر اِرا ہزار بیست ءُ دو ئٹی خضدار آن مسٹمیکو وار ہفّنگا۔ ممتاز نا لمہ ناجوڑ اے و ننا مچا خاہوت پریشان اے۔ ننے اَرا گناہ نا سزا ئے تننگ ئٹی ءُ؟ اگہ ممتاز آ ڈوہ ئس ارے تو عدالت آک انت ئکن جوڑ مسّنہ، اودے عدالت آ انتئے ہتپسہ؟ اگہ اِرا سال ئٹی اونا زیہا ڈوہ ئس پھاش مفک تو اودے داسا آجو کننگہ۔
او بندغی حق آتا ادارہ آتان خواست کرے کہ او کنا ماما نا یلئی کن گام ہفّر و ننے دا دڑد آن آجو کیر۔
