بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ بلوچستان لبریشن فرنٹ نا سرمچار آک خضدار و مشکے ٹی قوضہ گیر پاکستانی لشکر نا چوکی تہ جلہو کرسا چار لشکری کارندہ خلکُر۔
شش جولائی نا شام ئنا پنچ بجہ آ سرمچار آک بنڈوکی مشکے ٹی برجاء انگا قوضہ گیر لشکر نا چوکی آ بھلا و پوسکنا سلاہ تیٹ جلہو کریر۔ دا جلہو اسہ گھنٹہ اسکان برجاء مس، جلہو ئٹی دشمن لشکر نا مُسہ کارندہ خلنگا و کیہی ٹپی مسُر۔
اسہ پین جلہو ئسیٹی شش جولائی نا شام ئنا یازدہ بجہ آ سرمچار آک خضدار نا ہند سریج گریشہ ٹی برجاء انگا قوضہ گیر پاکستانی لشکر نا چوکی آ پوسکن انگا و خودکار سلاہ تیٹ جلہو کریر، جلہو ئٹی قوضہ گیر لشکر نا اسہ کارندہ ئس خلنگا۔
جارکش ایسر ئٹ پارے کہ بلوچستان لبریشن فرنٹ دا ارٹنگا جلہو تہ ذمہ واری تے ہرفک و سرزمین نا آجوئی اسکان قوضہ گیر لشکر آ جلہوک تیزی تون برجاء مرور۔
