بلوچ یکجہتی کمیٹی نا بنجاہی آرگنائزر ڈاکٹر ماہ رنگ بلوچ تینا درشان ئٹی پڑو کرینے کہ بی وائی سی بیست ءُ ہشت جولائی آ گوادر ٹی ‘راجی مُچی’ ئے اڈ تننگ ئٹی اے
اینو آن راجی مُچی نا تیاری تا حوالہ ئٹ مچا بلوچ وطن ٹی کاریم تا بِنا مننگ ئٹی اے۔
او پارے کہ نن بلوچ راج آن خواست کینہ کہ تینا تینا علاقہ آتیٹ راجی مُچی کن مروکا تیاری تیٹ گیشتر بشخ ہلیر۔
ڈاکٹر پارے کہ نن راج ئسے نا وڑئٹ دا وخت آ ہرا ظلم و تادی تا گْواچی اُن داڑکن لازمی اے کہ نن تین پہ تین اسٹ مرین و بیرہ راجی دروشم ئٹ ظلم ئنا برخلاف جہد کین۔ نن اواری و اسٹی ئٹ تینا راج ئے دا حالت آن کشینگ کینہ۔
او پارے کہ ننے اومیت اے کہ بلوچ راج تینا جہد و اسٹی ئٹ تینا وطن آن دا زوراکی ئے چُھٹفو۔
