بلوچ لبریشن آرمی بی ایل اے نا جارکش جیئند بلوچ شنگ مروکو درشان ئٹی پارینے کہ سرمچارآک اینو سُہب ئنا بولان ئٹی قوضہ گیر پاکستانی لشکر نا کارندہ تے اَسہ بمب جلہو ئسیٹی نشانہ کریر۔
او مُستی پارے کہ سرمچارآک مارگٹ نا ہند ئٹی پاکستانی لشکر ئے سیکورٹی تروکا اَسہ خالیءُ مورچہ ئسیٹی مُست آن تراک ئنا شورہ تخاسُر، دشمن لشکر نا اِرا کارندہ آک ہندا مورچہ ٹی سر مننگ آ سرمچارآک ریمورٹ کنٹرولڈ آئی ای ڈی آن اوفتے نشانہ کریر، ارانا سوب آن اَسہ دشمن کارندہ ئس موقع آ کھسک و اسٹ ئس ٹپی مس۔
جارکش ایسر ئٹ پارے کہ بلوچ لبریشن آرمی دا جلہو نا ذمہ واری ئے ہرفک۔ قوضہ گیر پاکستانی لشکر آ ننا جلہوک برجاء مرور۔
