چاغی بلوچستان ٹی ماڑی مائننگ کمپنی لمیٹڈ ئے لیسن تننگا۔
ماڑی مائننگ کمپنی لمیٹڈ (ایم ایم سی) ہرا ماڑی پٹرولیم کمپنی لمیٹڈ (ایم اے آر آئی) نا شیف ئنا کمپنی سے، چاغی ٹی زمینی مال و مڈی تہ پٹینگ کن لیسن رسینگانے تَہ۔
پاکستان نا غُٹ آن بھلا توانائی و ایکسپلوریشن کمپنی تان اسٹ ایم اے آر آئی سئے شنبے آ اسٹاک ایکسچینج (پی ایس ایکس) ئے دا حوالہ ئٹ پُہہ کرینے۔
مُستی پاننگانے کہ ڈائریکٹوریٹ جنرل مائنز اینڈ منرلز بلوچستان ماڑی مائننگ کمپنی لمیٹڈ (ایم پی سی ایل) ایم ایم سی ئے چاغی بلوچستان ٹی زمینی مال و مڈی تہ پٹینگ کن 501.03 مربع کلومیٹر و 512.76 مربع کلومیٹر نا علاقہ تسّنے۔
داکان مہالو مئی ٹی نیشنل ریسورسز لمیٹڈ (این آر ایل) ہرا وائی بی پاکستان لمیٹڈ، ریلائنس کموڈٹیز (پرائیویٹ) لمیٹڈ و لبرٹی ملز لمیٹڈ نا شیف ئنا ادارہ سے، او ہم چاغی ٹی مال و ماڈی پٹینگ نا لیز ہلکسس۔
این آر او ئے چاغی ٹی 500 مربع کلومیٹر نا علاقہ ئس لیز آ تننگاسس۔
بلوچستان ٹی پاکستانی ریاست زمین نا مال و مڈی تہ کشینگ خواہیک ولے بلوچ آجوئی دوست آک دا منصوبہ آتہ لُٹ ءَ پُل سرپند مریرہ۔
ہنوکا دہ دے ٹی بلوچستان ٹی قلات نا گیس منصوبہ نا رکھ کروک فوجی کیمپ، زرغون شال ئنا گیس فیلڈ نا رکھ ئنا کارندہ آک و مچھ بولان آن گیس ئنا پائپ آتا جُلو کننگانے۔
