شال ئٹی زوراکی ئٹ بیگواہ مروکا ظہیر احمد نا وے آجو مننگ نا برخلاف مُسٹمیکو دے سریاب کسر آ برانز برجاء کسر بند ءِ۔
دا سلسلہ ئٹ ہنوکا دے اَسہ برانز ریلی ئس کشنگا، ہموخت قوضہ گیر ریاستی ڈھکوک ادارہ آک ریلی ئے بے سُہب کننگ کن جتاء جتاء حربہ کارمرز کریسہ بے سُہب مسُر ہموخت اَسہ ٹوڈی لاری سیٹی تولوک سرکاری کارندہ آک برانزی تے پسٹل نشان تریسہ ریلی ئے ایسر کننگ کن تڑی تننگ نا کوشست کریر، برانزیک اودے رِیلی آن کشار۔
برانزی تہ پاننگءِ کہ اَراوخت اسکان ظہیر احمد ئے آجو کننگ و خاہوت ئے انصاف تننگ متنے ہموخت اسکان ننا برانز برجاء مرو۔
