بلوچ لبریشن آرمی نا جارکش آزاد بلوچ تینا شنگ کروک درشان ئسے ٹی پارے کہ 1 جولائی نا سوب ئنا 8 بجہ آن تہ ہلیس 1 بجہ اسکان ننا سرمچار آک جوہان و نرمک نا نیامی ہند گیتانی نا ہند آ ڈیتھ اسکواڈ و انٹیلیجنس نا کارندہ غاتا ہن ءُ بر نا پیش نظر کسر ئے تفین ۔
جارکش پارے کہ چیکنگ نا وخت آ سلاہ بند مخبر عبدلرازق ہمو گدرینگ ئٹی اسک اراکہ مالوو آن ننا سرمچار آتا نشانہ غا اسک ۔ کسر تفنگ نا جاگہ غا برنگ تون اوار او سنگر ہلک ، سرمچار آک ہلک تسر تہ کہ سلاہ بِٹ و تینے ننا دوٹی ہیت ولئے او سمکاری نا بناء ئے کرے ، سرمچار آتا جوابی کاروائی ٹی خلنگا و او سلاہ آتے سرمچار آک ہرفیر ۔
جارکش پارے کہ عبدالرازق ولد طالب بھلو وخت ئسے آن پاکستانی لشکر و ڈکھوک ادارہ تیکن کاریم کننگ اسک ۔ اونا خاص کاریم تے آن سرمچار آتا نشانہ غا اسک ۔ داڑان بیدس پاکستانی لشکر نا آپریشن ، زورانسری بےگواہی و نوجوان تا شہادت ئٹی اوار مسُنے ۔
ایسر ئٹی خبردار کرِسہ پارے کہ دا عیلاقہ تیٹی پاکستانی لشکر نا بےدادی و ڈیتھ اسکواڈ نا ہن ءُ برک تے آ سرمچار آتا نظر تخوک عیلاقہ نا ہیب کھیب ئٹی کسر تفنگ کیرہ دا حساس عیلاقہ تیٹی الُس ئے خبر دار کرِسہ پارے کہ بےکار ہن ءُ بر سفر تیاں سمبھال کیر ۔
