جھاؤ آواران آن نادرست آ سِلابند بندغاک عبداللہ پِنی آ ورنا ئے بیگواہ کرینُہ۔
حوال آتا رِدئٹ کورک جھاؤ نا رہینگوکا عبداللہ باوہ پن عبدالمالک، باغ بازار ئٹی اسہ ہوٹل ئسیٹ کاریم کریکہ، اِرا دے مہالو موٹرسائیکل آ سِلابند بندغاک اودے ہلکُہ و بیگواہ کریر
جاگہ آ خنوکاتا پاننگ کہ سِلابند بندغاک عبداللہ آن موبائل ئے تہ خواہار ولے عبداللہ تتو تا تو اونا خن تہ تفیر زور ئٹ تینتو دریر تَہ۔
ہندن لگک کہ سِلابند بندغاک پاکستانی فوج ئنا جہی آ لشکر نا کارندہ آک اسّہ، اِرا دے گدرینگ آن پد ہم اونا ہِچ ڈس اف۔
ایلو نیمہ آ شال ایریگیشن کارئز ایریا آن چھار دے مُست سی ٹی ڈی نا دُو آن بیگواہ مروک ظہیر احمد باوہ نا پِن حاجی عبداللہ ئے زور ئٹ بیگواہ کننگاسس۔
اینو دو جولائی اِرا ہزار بیست ءُ چھار، شش بجہ آ، خاہوت نا کُنڈان برما ہوٹل آن برانز ئٹ کسر بند کننگا۔ او شال ئنا غُٹ مخلوق آن خواست کریر کہ برانز ئٹی بشخ ہلیر و ظہیر احمد نا یلئی کن توار ہفّر۔
نمے سما اے بیست ءُ ہفت جون اِرا ہزار بیست ءُ چھار ئٹی پاکستانی فوج ئنا دُو آن بیگواہ ظہیر احمد بلوچ نا آجوئی کن اونا خاہوت سریاب روڈ ئے برانز کرسہ بند کریسس۔
