آجوئی دوست بلوچ راہشون و بلوچستان آجوئی سنگر (بی ایل ایف) نا کماش ڈاکٹر اللہ نزر بلوچ ایکس (ٹویٹر) آ تینا درشان ئٹی پارینے کہ بلوچستان ٹی ہمرو منصوبہ و کاروبار ئس مرے بلوچ نا موکل آن ویتہ بےسوب مرو۔
او پارے کہ سما تخوکا بلوچ راج تاریخ ئے تینا دتر و چائنداری ئٹ ولدا نوشتہ کننگ ئٹی اے، اینو نا سوگوا راج دوست آ فکر نا بنیات آ آجوئی بلوچستان نا بھلا مکست اے۔
بلوچ راہشون نا پاننگ کہ ہنوکا بیست سال آن پاکستان نا فوجی لشکرکشی “عزمِ استحکام” نا وڑ ئٹ برجا اے۔ ہراڑان پاکستانی فوج بلوچستان ٹی اخلاقی وڑئٹ تمّانے ہرانا سوَب بلوچستان اسہ بھلو زندان و کھسفنگ جاہ ئس جوڑ مسّنے
او پارے افسوس دادے کہ دے کیہلینگ و امریکہ پگار آ چلّوکا پاکستانی فوج ئے کمک تیرہ و او بلوچ مخلوق نا خلّنگ آن خن تہ تَر کننگ ئٹی ءُ۔
ڈاکٹر اللہ نزر بلوچ گُڈی ٹی پارے کہ نن دنیا ئے پھاش کُلو تینا کہ بلوچستان ٹی ہر وڑ ئنا منصوبہ و کاروبار بلوچ نا موکل آن ویتہ بےسوب مرو۔
