بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک قلات ئٹی قوضہ گیر پاکستانی لشکر نا کیمپ و چوکی ئے اِرا جلہو تیٹی ٹک کریر۔
28 جون شام ئنا یازدہ بجہ آ سرمچار آک قلات نا ہند جوہان ئٹی اڈ مروکا ایف سی نا کیمپ آ راکٹ و ایلو پوسکن انگا سلاہ تیٹ جلہو کریر، جلہو ئٹی راکٹ نا گولہ آک کیمپ ئنا تہٹی تمار اراٹی پاکستانی لشکرئے سخت جانی و نسخان ہرفوئی تما۔
جلہو آن پد قوضہ گیر لشکر نا نیمہ آن کیہی مارٹر نا گولہ فار کننگا و جاسوس ڈرون تے ہم بال تننگ مس، سہب ئنا شش بجہ آ ہیلی کاپٹر آک ہم جلہو جاگہ آ سر مرسا سخت شیلنگ کریر، سرمچار آک سلامتی ئٹ اوکان پیش تمنگ ئٹ سہبمند مرسا تینا ٹھکانہ آتا سر مسُر۔
اسہ پین جلہو ئسیٹی سرمچار آک 30 جون آ قلات نا ہند جوہان شاہ مردان ئٹی ایف سی نا چوکی ئے سنائپر، راکٹ و ایلو سلاہ تیٹ ٹک کریر جلہو ئٹی قوضہ گیر لشکرئے بھاز جانی و مالی نسخان ہرفوئی تما۔
جارکش ایسر ئٹ پارے کہ بلوچستان لبریشن فرنٹ دا اِرٹنگا جلہو تہ ذمہ واری تے ہرفک، ننا جلہوک بلوچستان نا آجوئی اسکان قوضہ گیر لشکر آ برجاء مرور۔
