تُربَت : کیچ ڈی سی دفتر نا مونا زوراکی ئٹ بیگواہ آ بندغ آتا خاہوت آتا برانزی گِدان ئے سیزدہ دے پورو مس انگا برجاء ءِ ۔ برانز ئٹی چُنا، کماش تہ اواری ئٹ بلوچ یکجہتی کمیٹی نا راہشون آک ہم ساڑی ءُ۔
برانزی گِدان نا جاگہ آ زوراکی ئٹ بیگواہ آ بندغ آتا خاہوت آک پاریر کہ ننے تحصیل دار نا دفتر نا مونا سیزدَہ دے سرجم مس ولے ننا راہا کس بتنے۔ ننا بیگواہ آ بندغ آتا آجو کننگ نا جاگہ دے پہ دے آ پین بندغ آک بیگواہ مننگءُ ۔ نن مُست داڑے ہشت زوراکی ئٹ بیگواہ آ بندغ آتا خاہوت آک مسون اُن اینو نُہہ خاہوت داڑے توسونے۔
او پاریر کہ داڑے مُست باسُنی لوار مسونے درو پِر تہو مسونے ولے نن دا باسُنی و پرتا زی آ برانز آ توسون اُن ولے دا ریاست ئے ہم رحم اف کہ ننا بزہ کے۔
