بلوچ آجوئی لشکر (بی ایل اے) نا جارکش جیئند بلوچ تینا درشان ئٹی پارینے کہ بی ایل اے فتح اسکواڈ بیست جون آ اندرو حوال ئسے نا ملّنگ آ زرغون شعبان شال ئنا ہند آن دہ بندغ ئے ہلکس، ہراڑے اولیکو سوج آتان پد اوفتِہ بلوچ راجی عدالت آ ہتنگا و اوفتان ہفت آ پاکستانی فوج و اونا ادارہ آتیک بلوچ راجی جہد ئنا برخلاف کاریم کننگ پھاش مس، ہندن مُسہ بندغ بےگناہ پیشتمار و اوفتِہ سلامت آجو کننگا۔
او پارے کہ بےگناہی نا بنیات آ آجو مروکاتیٹ محمد حارث رفیع باوہ نا پِن محمد رفیع جاگہ ملتان پنجاپ، حسنین سیال باوہ نا پِن عبدالاحد سیال جاگہ شال و عبدالبصیر درانی باوہ نا پِن عبدالعزیز درانی جاگہ شال اوار ءُ۔
ایلو ہفت بندغ نا بلوچ راجی جہد ئنا برخلاف کاریم کننگ و کوزہ گیر فوج ئنا کمک کار مننگ نا پھاشی آ اوفتِہ سزا تننگو ہراڑا زُو ئس عمل کننگو۔
جارکش پارے کہ دا حوالہ ئٹ بی ایل اے نا سینئر کمانڈ کونسل نا کُنڈان فیصلہ مسّنے کہ ڈوہ دار تا سزا آن مہالو جہانی جنگی قانود نا پاسداری ٹی بی ایل اے پاکستانی فوج ئے بندی تِہ ہڷ ءَ تِس نا پائک ہراڑکن فوج ئے اسہ ہفتہ سے نا وخت تنّنگک۔ دا وخت آن پد ڈوہ دار تا سزا آ زُوت عمل کننگو۔
