تحصیل تمبو نا ہند سینڑی ٹی غیرت نا پن آ سیاہ کاری نا دوبہ ٹی اسہ پین زالبول ئسے خلنگا۔ خلنگ مروکا زالبول بوٹا پوادی نا مسڑ اسک۔ لیویز نا رد ئٹ خلنگ مروکا زالبول ئے پوسٹ مارٹم کن ڈسٹرکٹ ہیڈکوارٹر اسپتال کوہلو آ دننگءُ۔
کوہلو ٹی غیرت نا پن آ زالبول آتا کوش ہردے گیش مننگءِ۔ ہنوکا اِرا تُو ٹی کوہلو ٹی چار آن گیش زالبول آتے غیرت نا پن ئٹ خلنگ مسونے۔ دا افسوسانک انگا حالیت آن پد ہم ہچ ڈوہدار سزا تننگ متنے۔ بندغی حق آتا ادارہ آک خواست کرینو کالخواک زوت کاروائی کیر تاکہ دا تدینی تے توننگ مرے۔
