بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ شہید نور زمان عرف رئیس بلوچ ولد قادر بخش ہوشاپ پرکوٹگ نومبر 2020 آن راجی آجوئی کِن بی ایل ایف نا پلیٹ فارم آن اوار اسک ۔ گچک کہن ئٹی 1 مئی 2024 آ جامِ شہادت نوش کرے ۔ او تینا بناہی خواننگ ئے گورنمنٹ ہائی اسکول ہوشاپ آن 2010 آ بناء کرے و 2020 ئٹی نُہمی جماعت نا خواننگ آن پد پین خواننگ نا سفر ئے مونی دتو۔ شہید نورزمان بلوچ اسہ بھاز مخلص،محنتی و خطرہ تون مون تروکو دلیر ءُ جنگجو و سنگت ئس اسک ، اراکہ جدوجہد آجوئی کے ندر اسک ۔
اودے جولائی 2023 آ سلاہ بٹنگ کِن مجبور کننگا وخت ئس نظام عرف دیدار پاکستانی لشکر و ایجنسی تا مونا سرنڈر کریس اس ۔ پدا اسہ وارس او تینا کیمپ کمانڈر ئے تینا ساڑی حالیت آن پارے کہ او پدا تنظیم ئٹی اوار مننگ خوائک ۔او ہندا تُو تیٹی متحدہ عرب امارات آ ہناس اَس ولے زوت پدا بس و تنظیمی ایریا کیمپ ئنا بشخ جوڑ مس ۔
شہید نور زمان عرف رئیس بلوچ نا اِلا سنگت سرمچار ممتاز عرف ملا یاسر اراکہ بلوچ لبریشن آرمی تون اوار اسک ۔ او کیچ ئنا ہند گورکوپ ئٹی 17 جنوری 2023 آ شہید مس اَس۔
سرنڈر کروک آ سرمچار و ریاستی مخ تفی ٹی کاریم کروکا مخبر نبیل عرف عادل، عاقب عرف باسط و یاسر عرف ملنگو سنگت سرمچار نا شہادت ئٹی تُد اسُر۔ او کُل ئنا اواری پک مسُنے ، او کُل ئے زوت اوفتا ایسر آ سر کننگ مرو۔ بلوچ راجی جنز آجوئی نا برخلاف کاریم کروک ءُ راجی دشمن تے ہچو ہم حساب ئسے آ بشخنگ مفرو۔
شہید آتا دتر بلوچستان نا آجوئی ءِ و آجوئی بلوچ آتا مقدر ءِ انتئیکہ او تینا سرزمین نا رکھ ئکن جنگ ئٹی ءُ، سرسہبی ہروخت راست ئنا مریک۔
جارکش ایسر ئٹ پارے کہ بلوچستان لبریشن فرنٹ شہید نور زمان بلوچ ئے اونا عظیم انگا قربانی آ دروت ندر کیک و قول کیک کہ زوت شہید آتا عظیم انگا مشن ئے مزل سر کننگ مرو۔
