بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک 22 جون آ کیچ ئنا ہند مند، گیاب ئٹی پاکستانی لشکر ئے آسراتی تروک بہار عرف بابو ڈکیت ئے آئی ڈی بمب جلہو ئٹی ٹک کریر ۔ جلہو ئٹی ڈیتھ اسکواڈ نا سربراہ بابو تپری ہمراہ آتون ٹپی مس ، ہندا راجی مجرم ئے داکان مالو ہم بی ایل ایف نا سرمچار آک ٹک کرینو ۔ دا وار بچنگ آن پد راجی مجرم نا ہمراہ غاک خڑکی قبرستان ئٹی ہنیسہ شہید خلیل و شہید نبیل نا قبر آتے ڈرہفِسہ راج دشمنی و جنز آجوئی نا برخلاف تینا خار ئے پاش کریر ۔
ہندا راجی مجرم پاکستانی لشکر و ایجنسی تا سہولتکاری و سرمچار آتا شہادت آن ہلیس کُل چاگڑدی خرابی تیٹی اوارے ، داکان بیدس پاکستانی لشکر نا کُل عسکری کاروائی تیٹی ہم کمکارے ۔
بلوچستان لبریشن فرنٹ دا جلہو نا ذمہ واری ئے قبول کرِسہ کُل ریاستی مخبر آتے خبردار کیک کہ او تینا راج دشمنی آ کاریم تے آن دو ئے کشَر اگہ نہ تو بی ایل ایف اوفتا برخلاف ہم سخت ءُ کاروائی کرِسہ اوفتا جرم ئنا اوفتے سختو سزا ترو۔
جارکش مستی پارے کہ
راج ئتو غداری کروکا آتا مرگ بھیم ترو مریک اراڑا اوفتا بروک آ کیہی نسل آتے ہم شرمندہی تون مون تروئی تمک ۔ بلوچ راج ئنا ہر فرد آ فرض ءِ کہ او ہر ممکن وڑئٹ بلوچ راجی جنز ئنا کمک ئے کیر اگہ کس ئس تینا انسانی کمزوری تا سوب آن جنز ئتون اوار مننگ کپک تو دشمن نا آسراتی تروک جوڑ مریسہ تینا پگہ ئے تہار کپ ۔ بی ایل ایف پکا کیک کہ راجی مفادات آتا برخلاف ہچو قسم ئنا ہم کاریم ئس برداشت کننگ مفروئے ۔
