ڈیرہ بگٹی دوانزدہ سال آن زور ئٹ بیگواہ بندغ نا مار ہم فوج ئنا دُو آن زور ئٹ بیگواہ کننگا۔ حوال آتا رِدئٹ پاکستانی فوج درو ڈیرہ بگٹی شار آن خالق باوہ نا پن گل حسین بگٹی پِنی آ ورنا ئے زور ئٹ بیگواہ کرے۔
نمے یات اے کہ دا ورنا نا باوہ گل حسین بگٹی ئے پاکستانی فوج اِرا ہزار دوانزدہ ٹی زور ئٹ ہفّیسس ہرا داسکان بیگواہ اے۔
خاہوت نا پاننگ کہ او ہِنوکا پانزدہ سال آن باوہ کن ہُروک اسّر، انصاف نا خواست دا اس کہ اودے یلہ کیسُہ ولے پاکستانی فوج پین ظلم و تادی کرسہ اونا مار ئے ہم زور ئٹ بیگواہ کرے۔
