بلوچستان نا ہند بولان ئٹ باوہ سنگت آ تیتون اوار تینا مسڑ ئے سیاہ کاری نا دوبہ ٹی خلک، پولیس 15 سالی آ ورنا رب نواز ئے بچیفے۔
بولان نا ہند گیشتری ٹی 12،13 سالی آ مسڑ ئے سیاہ کاری نا دوبہ ٹی کھسفیر۔
پولیس نا رد ئٹ ڈوہدار حاصل خان تینا سنگت آ تون اوار تینا مسڑ ئے و مار رب نواز ئے خلنگ اسک کہ حوال رسینگ تون پولیس جاگہ آ سر مس۔
پولیس نا پاننگءِ کہ سیاہ کاری نا دوبہ ٹی 15 سال آ ورنا رب نواز ئے خلنگ آن رکھیفین۔
ایس ایچ او مچھ ئنا رد ئٹ مار رب نواز نا لِخ آ ٹپ ئنا نشان اَرے،ڈوہدار آتا کاروائی کننگ ءُ۔
ایلو نیمہ آ بیلہ آن جون ئس خننگا۔
حوالکار آ تا رد ئٹ بیلہ ئٹی پولیس چیک پوسٹ کانگی آن خُڑک جھاؤ کراس آ نا دُرست بندغ ئسینا جون خننگا، جون ئے پولیس دوئی کرسا پجار کن اسپتال آ درے۔
ہندُن بولان نا ہند ڈھاڑر آن ہم بندغ ئسینا جون خننگا۔
پولیس نا رد ئٹ ڈھاڈر نا ہند مشکاف اسٹیشن آن خُڑک نا دُرست بندغ ئسینا جون خننگا ارادے سول ہسپتال ڈھاڈر آ دریر ،المی کاروائی آن پد جون ئے سائبان سبی نا دوٹی تننگا۔
