کیچ ئنا جتاء جتاء ہند آ تیان تعلق تخوکا بیگواہ بندغ آتا خاہوت آتا برانز ئے اینو ہفت دے پورو مس۔
خاہوت آک عید ئنا دے آن تینا بندغ آتا آجوئی کن برانز کننگو ارا دائسکان برجاء ءِ اراٹی بیگواہ مروکا مسلم عارف، فتح معیار، جان محمد، سمیر بلوچ، میران بلوچ و جہانزیب فضل نا خاہوت آک اوار ءُ۔
خاہوت و ضلعی انتظامیہ نا نیامٹی دا سلسلہ ئٹ مذاکرات ہم مسُنے ولے مذاکرات سرسُہب متنے۔
خاہوت آ تا رد ئٹ اوفتا خواست ءِ کہ اگاں بیگواہ بندغ آک ڈوہدار ءُ آئین و قانون نا حوالہ کننگ مریر تاکہ اوفک مطمئین مننگ کیر۔
خاہوت آک تینا اَسہ پڑو ئسیٹی پارینو کہ او پھگہ برانز کروکا جاگہ آن اَسہ اہم ءُ پریس کانفرنس ئس کرسا تینا آئندہ لائحہ عمل نا پڑوئے کرور۔
