کیچ آن ہندی سرکاری مُخ تفی ٹی کاریم کروک ٹولی ڈیتھ سکواڈ نا دُو آن بیگواہ مروکا ورنا نا جون پنجگور آن خننگا۔
حوال تا رِدئٹ پل آباد جورکان کور پنجگور آن اسہ جون ئس خننگا ہرا نا جون آ سُم ئنا ٹپ ارے۔
لیویز جون ئے ٹیچنگ ہسپتال آ راہی کرے ہراڑے او لال بخش نا مار نوید نا پن آ درست مس۔
یات مرے کہ دا ورنا ئے منَہ دے مہالو نادرست آ سِلاہ بند بندغاک ہوشاپ کیچ آن بیگواہ کریسر۔
جہی آ مخلوق نا پاننگ ءِ کہ بیگواہ کروکاک ڈیتھ سکواڈ نا کارندہ آک مسّنو۔
بلوچستان ئٹی راج دوست تنظیم آتا رد ئٹ پاکستانی لشکر بلوچ راجی جہد ئے نزور کننگ کن تینا لشکر جوڑانے ہرافتِہ لس وڑ ئٹ ‘ڈیتھ اسکواڈ’ پارہ۔
راج دوست تنظیم آتا نظر ئٹی دا ٹولیک مخلوق نا ہفّنگ خلّنگ و ایلو چاگڑدی گندئی تیٹ خن آن پاش اوار ءُ ہرافتے سرکاری کمک رسینگک۔
