بلوچ لبریشن آرمی نا جارکش جیئند بلوچ بیان ئسے ٹی پارے کہ بی ایل اے فتح اسکواڈ شال ئٹی ڈکھوک حوال آتے آ کاروائی کرِسہ دہ مشتبہ بندغ ئے دزگیر کرے ۔
دا کاروائی ٹی بی ایل اے نا خصوصی دستہ فتح اسکواڈ ڈکھوک حوال آتا رسینگ آن پد شال ئنا خڑکی ہند زرغون تون اوارئنگا شعبان نا عیلاقہ ٹی سرسہبی تون کاروئی ئے کرے ۔
او پارے کہ بی ایل اے انٹیلی جنس ونگ حوال تس ئس کہ شعبان نا عیلاقہ ٹی منہ مشتبہ بندغ ہنوبر کننگ ئٹی ءِ ، ہندا حوال آتا زوت ئٹ کاروائی کرِسہ فتح اسکواڈ ہمو مشکوک آ دہ بندغ ئے دزگیر کرے ۔
ہندا بندغ آتے آن پکائی برجاء ءِ ۔ پکائی نا پورو مننگ آن پد ملزم آتے بلوچ راجی عدالت ئٹی پیش کننگ مروئے ، اراڑے کہ ثبوت و شاہدی تے آ روشنی ٹی فیصلہ کننگ ءُ ۔ فیصلہ غان میڈیا ئے آگاہ کننگو تانکہ ملزم آتا خاہوت آک پیش رفت آن آگاہ مننگ کیر ۔
