بلوچستان نا ضلع کیچ ئنا شہر تُربَت ئٹی شہید فدا چوک آ بیگواہ مروکا بندغ آتا خاہوت آک چار دے آن برجاء انگا برانز ئے ڈی سی آفس نا مونا دریر۔
بیگواہ مروکا بندغ آتا خاہوت آک برانزی جاگہ آن تینا شنگ کروکا پڑو ئٹی پاریر کہ او ہنوکا چار دے آن شہید فدا چوک آ برانز کننگ ءُ۔ اوفتے سرکار نا نیمہ آن مطمئن کن ورندی رسینگتنے۔ اینو شام ئنا شش بجہ آ او برانز ئے ریلی نا دروشم ئٹ ڈی سی آفس تُربَت نا مون آ درور۔
خاہوت آک کُل سیاسی و چاگڑدی تنظیم و لس آن خواست کریر کہ برانز ٹی اوار مریر۔
یاتی مرے کہ دا وخت جتاء جتاء انگا ہند بلیدہ، پیدارک و تُربَت آن سیالی تخوکا بیگواہ مروکا بندغ آتا خاہوت آک تربت شہید فدا چوک آ تینا بندغ آتا آجوئی کن برانز کریسہ توسُنو۔
