لنجو سغاری سوئی ڈیرہ بگٹی ٹی پاکستانی فوج جہی آ سرکاری ٹولہ نا کمک ئٹ لشکرکشی کننگ ئٹی اے و علاقہ ٹی بھازا جہہ تا اُراتے بٹیر،گاڈی تے ہُشار و فوج ئنا کُنڈان گولہ خلّنگ برجا اے۔
یات مرے کہ درو آن سوئی کشمور روڈ آ دزّی ئس مسّس ہراٹی چنا نیاڑی تا سَہت آتے و اسہ گاڈی ئس ہم دریر۔
ہندن اینو پاکستانی فوج ہندا علاقہ ٹی لشکرکشی نا بِنا ئے کرینے ولے دزّی ٹی ہلّنگوکا بندغاتے الّانُہ۔
سوئی کشمور روڈ آ ہڑدے دہنو تدینی مریک ہراٹی اسہ ٹولی ئس کاریم کیک ہرانا بھلُنی ئے میرک چاکرانی بگٹی کننگ ئٹی اے، دا ٹولی ٹی سیوا چاکرانی بگٹی، شاہ زین چاکرانی و الڑ چاکرانی بگٹی و ایلوفک اوار ءُ۔ دا ٹولی آئی ایس آئی نا کرنل صفدر نا پاننگ آ دزّی کیک۔
دا ٹولی نا بھلا میرک چاکرانی تینٹ کرنل صفدر تون ملّانے و ایلو باسکاک لیویز ئٹی ہم کاریم کیرہ ہرافتیٹ شیر جان چاکرانی مون آٹے۔
اینو دزّ آتا برخلاف آپریشن نا جہہ آ کرنل صفدر دزّاتے ایف سی نا گاڈی تیٹ نرّفینے و جہی آ مخلوق نا اُراتا چھاپہ خلکُہ و گولہ خلکُہ۔
ایف سی گِڑاس بےگناہ بندغاتے غیرقانودی وڑ ئٹ ہلکنے و پدا سی ٹی ڈی ئے تسّنے۔
