پاکستانی لشکر نا دُو آن بیگواہ مروکا مسلم عارف، فتح میار، جہانزیب فضل و ایلو بیگواہ مروکا تا خاہوت آک تینا شنگ مروکا درشان ئٹی پارینو کہ پھگہ سہب ئنا عید الاضحی نا نماز آن پد شہید فدا چوک آ برانز کرِسہ عید کرون و تینا بندغ آ تا آجوئی کن برانز ریکارڈ کرِفون۔
او پاریر کہ او سہب ئنا برانز کرون شام پنچ بجہ آ تینا بندغ آ تا آجوئی کن شہید فدا چوک آن پریس کلب اسکان ریلی کشون۔
او تینا درشان ئٹی کُل سیاسی، چاگڑدی و مذہبی تنظیم و بندغ دوست الس آن خواست کرینو کہ پھگہ برانز ئٹ اوار مریر و اوارے نا درشانی کیر۔
یاتی مرے کہ مسلم عارف و فتح میار نا تعلقداری بلیدہ آن ءِ و اوفتا خاہوت ایلو بیگواہ مروکا تا خاہوت تون اوار ڈی سی آفس تُربَت ٹی برانز کریسُر، جہانزیب فضل نا تعلقداری آپسر تُربَت آن ءِ۔
