تُربَت، گْوادر: پاکستانی لشکر زبیر و چنگیز پنی ءُ اِرا ورنا ءِ دزگیر کننگ آن پد بیگواہ کرے۔
حوال تا رِد ئٹ پاکستانی لشکر تُربَت نا خلق شائی تمپ آ استو یک بجھ آ بیڑ کرِسہ زبیر ولد محمد ئے دزگیر کرِسہ بیگواہ کرینے۔
گْوادر آن پاکستانی لشکر نا دُو آن بیگواہ مروک آ ورنا نا چاہنداری چنگیز ولد وارث نا پن ئٹ مسنے۔ ارا کودہ کوڑاسک نا تولوک اسے۔
چنگیز ءِ 12 جون آ گْوادر آن دزگیر کرِسہ بیگواہ کننگانے۔ زوراکی ئٹ بیگواہ مروک چنگیز اسہ خوانندہ اسے اودے اُرے ئے گْوادر ئٹی دکانداری کننگ ءِ۔
بلوچ راجی زرمبشت ( بی این ایم ) نا بندغی حق آتا ادارہ پانک زبیر و چنگیز نا زوراکی ئٹ بیگوائی نا ایت حوال ئے پک کرے و چاگڑدی رسانکدر ایکس ( ٹوئٹر ) آ اوفتا فوٹو تے شنگ کرِسہ اوفتا آجوئی نا خواست کرے۔
یاتی مرے کہ پاکستانی لشکر استو تُربَت آن اِرا بندغ، آصف ولد کاسم و علی احمد ولد ظریف ئے دزگیر کرِسہ بیگواہ کرینے۔
