بلوچستان نا جتا ضلع آتیٹ مروکا تدینی تیٹ چھار بندغ بیران مسنو۔
حوال تا رِدئٹ نوکنڈی بلوچستان ئٹی جَن ئسے نا گاڈی مژڈا گاڈی سیٹ ڈک کُنگ، ہراڑے امیر حمزہ و نواب پِنی آ بندغ آک دنیا ءِ الّار۔
انتظامیہ نا پاننگ ءِ کہ تدینی ٹی ساہ تروکا بندغ آک برام ئسے آ نوکنڈی آ ہِننگ ئٹی مسنو، مُستی پٹ ءَ پول کن جون تے اسپتال آ راہی کننگانے۔
ایلو نیمہ آ ہرنائی شار ایریا شمشان گھاٹ آن خُڑک دُزّ آک موبائل ءِ پُھلنگ ئٹی سرپُٹ آ سُم کاری کرسہ محمد عمران پِنی آ بندغ ءِ خلکُو و نرّار۔
تدینی ٹی خلّنگوکا محمد عمران نا خاہوت جون ءِ پولیس تھانہ نا مونا تخا و برانز کرے، او خواست کرسہ پاریر کہ محمد عمران ءِ کھسفوکا تے دزگیر کننگ اِسکان برانز برجا مرو۔
ہندن کرکلی دکی ٹی ہفت سال نا سیف الرحمن پِنی آ چُنا تلاف ئسیٹ ڈُبا و ساہ تِس، انتظامیہ جون ءِ کشّا و اسپتال آ مون تِس۔
