بلوچ راج دوست رہشون استاد واحد کمبر تینا اسہ درشان ئسیٹی خواست کرینے کہ اقوام متحدہ،دولت مشترکہ و یورپی یونین نا ڈیہک بلوچستان ئے اسہ آجو ءُ ریاست ئس منر۔
او پارے کہ بلوچستان اسہ آجو ریاست ئس اسک ولے ننا ہمسایہ ڈیہہ ہندوستان نا ونڈ ئنا سوب آن پوسکُن ودی مروکا ننا ہمیسایہ پاکستان 1948ء آ توفک و توہ آتیٹ بلوچستان آ قوضہ کرے۔ بلوچ راج دا قوضہ نا سخت مزاحمت کرے۔
واحد کمبر پارے کہ بلوچ جنگ آجوئی ٹی بلوچ راج و پاکستان ئے بے کچ جانی و مالی نسخان مون تروئی تمانے، ننا ہمسایہ ڈیہہ پاکستان نا خواجہ آک و کالخواک ننا سرزمین آن تینا لشکرتے دوارہ بٹنگیفر۔ وخت بسونے کہ قوضہ گیری نا سوچ تخوکا بندغ آک پدا پاکستان آ کار تاکہ پین دتر شولنپ۔
او پاکستانی کالخواہ تے پارے جہ پاکستان قوضہ گیری نا سوچ ئے یلا کرسا بلوچستان نا آجوئی ئے منت۔ ریاست پاکستان تینا طاقت و مڈی ایلو راج آتا لُٹ ءُ پُل و اوفتا قوضہ ئے برجاء تخنگ نا جاگہ تینا معیشت و سیاسی نظام ئے دُرست کننگ کن کارمرز کیر تاکہ عوام نا زندگیک جوان مریر ارا قوضہ گیری نا سوچ اتون ممکن اف۔
