پسنی بلوچستان ئٹی بجلی ئے بند کننگ نا برخلاف شاریک زیرو پوائنٹ آ مکران کوسٹل ہائی وے ئے برانز کرسہ بند کریر۔
دگ ئنا بند مننگ آن ہڑتوما کُنڈ آن کراچی آ ہنوک و بروکا گاڈی و مسافرک گٹ مسر، پسنی، گْوادر، جیونی، تربت و مکران نا ایلو شار تا مخلوق نا کراچی آ ہِن ءَ بر بند مس۔
برانز کروکا پاریر کہ اوفتے ہر تُو بے سوب بل راہی کننگک ہرادے مسکین آ مخلوق تننگ کپک، اوفتا توار ئے بِننگ نا جہہ آ وارڈ نمبر چھار ئنا نیمہ بشخ ئنا بجلی ئے بند کننگانے ہرا تارمئی نا گْواچی ءِ۔
او پاریر کہ ایلو نیمہ آ مچا شار ئٹ ویتہ پاننگ آن بجلی ئے بند کننگک، اوفک زمہ وار تا برخلاف گام ہفّنگ نا خواست کرسہ پاریر کہ ایسکا علاقہ ٹی بجلی نا ویل ایسر مفک ننا برانز برجاء مرو و کسر ئے ہِننگ بنّنگ کن ملوفن۔
