کیچ ئنا ہند بلیدہ ٹی کسر تدینی سیٹی چنا و باوہ بیران مسُر۔
حوال آتا رد ئٹ بلیدہ کراس آ لاری ئس موٹرسائیکل ئسے لتاڑہ ارانا سوب آن بلیدہ میناز نا ہندی عبدالحمید پیر بخش تینا مار اتون بیران مس۔
حوالکار نا رد ئٹ عبدالحمید نا ایلم نصرم پیر بخش ئے پاکستانی لشکر 12 اکتوبر 2023 آ زوراکی ئٹ بیگواہ کریسس ارا دائسکان بیگواہءِ۔
یاتی مرے کہ ہنوکا دے تیٹی نصرم نا آجوئی کن برانز ئٹی اونا ایلُم عبدالحمید ہم تُد اسک،اینو او بلیدہ ٹی کسر تدینی سیٹی تینا مار اتون بیران مس۔
شابیتی حوال آتا رد ئٹ برانزئے ایسر کننگ و نصرم بلوچ نا آجوئی نا یخین دہانی آن پد ہم نصرم نا خاہوت تربت ئٹی ساڑی ئس و برانز کننگ اسک۔
