بلوچستاب نا علاقہ ڈھاڈر آن پاکستانی لشکر اسہ بندغ ئس دزگیر کرِسہ بیگواہ کرے۔
بیگواہ مروکا بندغ نا چاہنداری صدیق نا مار یعقوب نا پِن آ مسنے۔
حوال تا رِدئٹ پنچ جون آ پاکستانی لشکر ڈھاڈر نا علاقہ مشکاپ ئٹی اُرا سے آ چھاپہ خلِسہ پن کروک بندغ ئے دزگیر کرِسہ بیگواہ کرینے۔
چھاپہ نا وخت پاکستانی لشکر اُرا آن دہ لکھ پیسہ و اسہ گاڈی سے تون اوار پین سامان ہم درینے۔
یات مرے کہ بلوچستان ئٹی زوراکی نا بیگواہی نا تدینی تیٹی اسہ وار ولدا تْرندی بسّنے، و ریاست زوراکی نا بیگواہی تا تدینی تیان نمن کننگ ءِ۔
درو بلوچستان نا وزیر داخلہ ضیاء لانگو صحافی تون تْران کرسہ نہ بیرہ زوراکی نا بیگواہی تا تدینی تیان نمن کرے بلکہ او دا ہم پارے کہ بلوچستان آن بیگواہ مروکا بندغاک مَش تیا ہنانو۔
ایلو نیمہ آ زمینی گواچنیک دا پارہ کہ بلوچستان تون اوار پاکستان نا علاقہ آتیان ہم ہڑدیئی بنداو آ بندغاک زوراکی ئٹ بیگواہ مننگ ئٹی ءُ، ہرافتیٹ گیشتر خوانندہ آک اواد ءُ۔
