بلوچ راہشون ڈاکٹر ماہرنگ بلوچ چاگڑدی حوالکاری میڈیا غا پارے کہ بلوچ خوانندہ آتا زوراکی نا بیگواہی تیٹ ودکی مسُنے۔ بہاولپور یونیورسٹی آن گولڈ میڈلسٹ حنیف بلوچ ئے اونا باوہ پیرئی ہند بارکھان آن زوراکی ئٹ بیگواہ کننگانے و اونا ایلم سعید بلوچ ہرا کہ پنجاب یونیورسٹی نا خوانندہ ئسے اودے لاہور آن خواہفِسہ بے قانودی دزگیر کننگ آن گڈ بیگواہ کننگانے۔
او پارے کہ زوراکی نا بیگواہی بلوچ چاگڑد کن کینسر نا کردار ادا کننگ ءِ، ہرا ننا تیوہ چاگڑد ئے کیدنگ ءِ، کس تینا اُرا تینا علاقہ ٹی رکھوک اف و دا بلوچ نسل کشی نا خطرناک ءُ دروشم ئسے۔
ڈاکٹر ماہرنگ پارے کہ بلوچ نسل کشی نا برخلاف اُرا تیٹی چُپ تولنگ نا آپشن اف بلکن نن لس مزاحمتی جُہد آن ہی دانا کسر ئے توننگ کینہ، نن ہخس چپ مرون او ہموخس شدت ئٹ ننا نسل کشی ئے کرِسہ کرور۔
