پاکستانی فوج و ادارہ آک سرگودھا، بہاولپور و لاہور آن دانش اقبال، فرہاد احمد، حنیف بلوچ و سعید بلوچ ئے ہلکُہ و زور ئٹ بیگواہ کریر۔
بیگواہ مروکا چھارنگا خوانندہ آک سرگودھا یونیورسٹی، اسلامیہ یونیورسٹی بہاولپور و پنجاپ یونیورسٹی ٹی خوانیرہ۔
فوج ئنا دُو آن خوانندہ آتا زور ئٹ بیگواہی تا ودّیکی آن بلوچ خوانندہ آتیک پریشانی ودی مننگ ئٹی اے۔
دا حوالہ ئٹ بلوچ اسٹوڈنٹس کونسل سرگودھا یونیورسٹی تینا شنگ کروکا پریس ریلیز ئٹی پارینے کہ درو آن اِرا بلوچ خوانندہ بیگواہ ءُ، ہرافتان اسٹ نا پِن دانش/اقبال ہند پنجگور و ایلو فرہاد احمد/محمد طارق ہند دالبندین اے۔
کونسل نا پاننگ کہ بِنا ٹی او پولیس تو اوار بیگواہ خوانندہ آتا پٹ ءَ پول کرے ولے پولیس تینے پدی کشّا و مرغن کننگ نا چم ئے چلّفنگ ئٹی اے، ہراڑان لگک کہ ہڑتوما خوانندہ آتے عدالتی اختیار آن ویتہ بیگواہ کرینُہ۔
او پارے کہ پٹ ءَ پول کننگ آ خبر تما کہ مہالو ایلو خوانندہ آک ہمر کہ خداداد سراج ئے کلٹس کار ئسے ٹی ہفّیسُہ ہندن دا خوانندہ آتے ہم ہفّینہ درینُہ۔
