بی ایل ایف نا ترجمان تینا شنگ کروک بیان ئٹی پارے کہ بکوچ سرمچار آک کیچ ئنا عیلاقہ زامران و ہوشاپ ئٹی دشمن لشکر نا چوکی تیا جلہو کرِسہ مسہ کارندہ ئے کھسفیر و سولر سسٹم و کیمرہ تے ٹک کریر۔
او پارے کہ شش جون 2024 ئنا شام 3 بجہ غا سرمچار آک زامران نا عیلاقہ زامری کور ئٹی قوضہ گیر پاکستانی لشکر نا چوکی آ اول اسنائپر ئٹ جلہو کرِسہ رکھوک آ مورچہ غا تولوک ءُ اسہ دشمن کارندہ سے خلکر۔ اوکان پد سرمچار آک بھلا سلاہ تیٹ جلہو کرِسہ سولر سسٹم و کیمرہ تے ٹک کرِسہ تباہ کریر۔
او پارے کہ اسہ پین جلہو ئسیٹی سرمچار آک 7 جون ئنا شام 5:30 آ ہوشاپ و سھاکی نا نیام ئٹی جوڑ مروک قوضہ گیر پاکستانی لشکر نا چوکی آ بھلا و آٹومیٹک سلاہ تیٹ جلہو کریر۔ جلہو پانزدہ منٹ ئسکان برجاء مس، جلہو ئٹی دشمن لشکر نا اِرا کارندہ کھسک و ارٹ ٹپی مس۔
او ایسر ئٹ پارے کہ بلوچستان لبریشن فرنٹ دا جلہو تا ذمہ واری ئے ہرفک، بلوچ سرزمین نا تیوہ آجوئی اسکان قوضہ گیر لشکر آ سرمچار آتا جلہوک ترندی ئٹ برجاء مرور۔
