وائس فار بلوچ مسنگ پرسنز نا چیرمین نصراللہ تینا درشان ئٹی پارے کہ فاروق سخی نا زوراکی ئٹ بیگواہی نا شابیتی حوال آتے اونا خاوت وی بی ایم پی ئے تسُنے۔
او تنظیم آن شکایت کریر کہ فاروق سخی ولد سخی داد بلوچ سکنہ کرکی تُربَت کیچ ئے لشکر ہندا سال ئنا 28 مئی آ اونا پین سنگت آ تون اوار سٹی عارف پلازہ بروری روڑ کوئٹہ آن بےقانودی دزگیر ٹی ہلنگ آن پد زوراکی ئت بیگواہ کرے پدا ایلو پنچ بندغ آجو مسُر ولے فاروق سخی دائسکان بیگواہ ءِ، و اونا خاوت ئے فاروق سخی نا بارو ئٹ ہچو حوال تننگ افس ہرانا سوب آن او زہنی ازیت ٹی ءُ تنظیمی سطح آ فاروق سخی نا خاوت ئے باور تننگانے۔
او پاریر کہ فاروق سخی نا کیس ئے کمیشن و حکومت ئے ترِسہ اوفتون اوار اونا رکھوک آجوئی کن ہر فارم آ توار بُڑز کننگ ءُ، نصراللہ بلوچ حکومت آن خواست کرے کہ فاروق سخی آ دوبہ ارے تو اودے پاش کرِسہ عدالت ئٹ ہتیر و اوفتے صفائی تننگ نا موقع تننگِہ، اگہ او بے ڈوہ ءِ تو زو آجو کرِسہ اونا خاوت ئے زہنی ازیت آن کشیر۔
