مشکے آن زوراکی ئٹ بیگواہ مروک چنگیز بلوچ نا ایڑ حفظہ بلوچ پارینے کہ کنا ایلم ئے یانزدہ جنوری اِرا ہزار چھانڑدہ ٹی خضدار آن زوراکی ئٹ بیگواہ کننگا ہرا داسکان آجو متنے۔
او پارینے کہ زوراکی ئٹ بیگواہی بندغی نا برخلاف ءِ و دا ڈوہ ئے پاکستانی لشکر چرجوئی ئٹ بلوچستان ئٹی کننگ ءِ۔ بلوچستان ئٹی زوراکی نا بیگواہی تیا بندغی حق آتا تنظیم آتا چُپی بندغی نا برخلاف دا ڈوہ تون اوڑدئی نا بریبر ءِ۔ زاکر مجید ہشت جون اِرا ہزار نُہہ آن بیگواہ ءِ، اونا بیگواہی ئے پانزدہ سال مسنے ولے او داسکان بیگواہ ءِ، اونا پیرنگا لمہ ناجوڑی و پیری ٹی ہم تینا مار ئنا آجوئی کن جہد کننگ ئٹی ءِ۔
او مُستی پارے کہ اینو ہشت جون آ زاکر مجید نا لمہ ویگہ ئنا چھار آ شال پریس کلب نا مونا تینا مار ئنا بیگواہی نا برخلاف برونز کرو، برانز ئٹی اوار مرسہ زاکر مجید نا لمہ نا توار جوڑ مبو۔ ہشت جون آ بلوچ بیگواہ تا دے آ بی ایس او آزاد و ‘بلوچ وائس فار جسٹس’ نا کُنڈ آن سوشل میڈیا آ چائنداری مہم ئس چلّفنگو، دا مہم ئٹی گیشتر بشخ ہلبو و غُٹ بیگواہ تا آجوئی کن توار ہفبو۔
