بلوچ لبریشن آرمی نا ترجمان تینا شنگ کروک بیان ئٹی پارے کہ بی ایل اے نا سرمچار آک بلیدہ، زامران و مستونگ ئٹی مسہ جتا انگا جلہو تیٹی قوضہ گیر پاکستانی لشکر ئے ٹک کریر، ہرافتیٹی اِرا کارندہ خلنگا و پنچ ٹپی مس۔
او پارے کہ بی ایل اے نا سرمچار آک بلیدہ نا عیلاقہ گلی ٹی قوضہ گیر پاکستانی لشکر نا اسہ لاری ئسے آئی ڈی آئی جلہو ئٹ ٹک کریر۔ تراک ئنا سوب آن مسہ کارندہ ٹپی مس وخت ئس کہ لاری ئے بھاز نسخان مس۔
اونا پاننگ اس کہ داکان بیدس بی ایل اے نا سرمچار آک زامران ئٹی جاپشان و تنک ئنا نیام ئنا ہند ئٹی قوضہ گیر پاکستانی لشکر نا پیدل کارندہ تے بھاز خڑکان سنگر ہلِسہ ٹک کریر، سرمچار آک پوسکن آ سلاہ تیٹ جلہو کریر، ہرانا سوب آن اِرا کارندہ ہمو جاگہ غا مرگ ئنا گواچی مسر۔
ترجمان پارے کہ بی ایل اے نا سرمچار آک 2 جون 2024 ئے مستونگ نا عیلاقہ اسپلنجی، مَرو کنڈ ئٹی قوضہ گیر پاکستانی لشکر نا کیمپ ئنا اسہ چوکی ٹی ساڑی کارندہ تے چغلی بمب ئٹ ٹک کریر، تراک ئٹی اِرا دشمن کارندہ بھاز ٹپی مس۔
او ایسر ئٹ پارے کہ بلوچ لبریشن آرمی دا جلہو نا ذمہ واری ئے ہرفِک۔ تینا مسخت نا دوئی مننگ ئسکان ننا کاروائیک برجاء مرور۔
