وایارو اوتھل آ کراچی آن شال آ ہنوکا بس تمّا و خاخر ہفّے ہراٹی پنچ سواری ہشنگِسہ ساہ تسر و دہ ٹپی مسر۔ ٹپی آتے و کہوکاتے اوتھل اسپتال آ راہی کننگا، گیشتر ٹپی مروکا تے کراچی آ مون تننگا۔
ڈپٹی کمشنر لسبیلہ حمیرہ بلوچ نا پاننگ ءِ کہ بس ئٹی بیست و ہشت سواری مسنے بھاز آک تینے ڈن آ خسّانو بچّفیینو۔ وے پک مروک حوال تا رد ئٹ تدینی نا سوب موٹرسیکل ئسے تون ڈک لگنگ ءِ۔
انتظامیہ کمکی کاریم تا سوَب آن ننکان وایارو آ روڈ ئے بند کرے، غُٹ گاڑی تے اوتھل و بیلہ آ توننگا۔
بلوچستان ئٹی دگ ویل آک اسہ وڑ برجا ءُ داکان مہالو بیست ءُ نُہہ مئی آ تربت آن شال آ ہنسہ بس ئس بیسیمہ آ تمّا ہراٹی بیست ءُ ہشت بندغ کھسکر۔
ہندا وڑ بلوچستان ئٹی دا سال جنوری آن داسکان پنچ تُو ئٹی ہفت ہزار آن زْیات تدینی مسّنے۔ دا تدینی تیٹ نُہہ ہزار آن گیشتر بندغ ٹھپی مسّنے و یک سد و نوَد کھسکنو۔
