بلوچستان نا عیلاقہ نوکنڈی ٹی ارا ٹولی نا نیان ئٹی سُمکاری آن منہ بندغ تا بیران مننگ نا گمان ارے۔
حوال آتا رِد ئٹ نوکنڈی بگ ایریا ٹی ارا ٹولی نا نیان ئٹی سُمکاری مس ہراڑان اسہ ٹولی نا اِرا بندغ خالد و اونا سنگت خلنگار۔ اندن ارٹمی ٹولی نا مُسہ بندغ تا خلننگ نا حوال ارے۔
حوال تروکا تا رِد ئٹ اسہ ٹولی مذہبی تنظیم و ایلو ئے راہزن و دُز پاننگ ءُ۔
ایلو نیمہ غا پَنجگُور نا ہند چتکان قلم چوک ئنا خُڑک آ نادرست ءُ اسکوٹر سوار آک سُمکاری کرسہ عبدالحمید ولد حوالدار اختر ئے خلکُر۔
پولیس نا رِد ئٹ تدینی آن پد ڈوہدار آک نرانو۔ تدینی نا زی آ مُستی سر و سوج مننگ ءِ۔
پَنجگُور ئٹی تدوکا ہفتہ ٹی دا ارٹمیکو کوش ءِ۔
