بلوچستان نا عیلاقہ نصیر آباد ئٹی سلاہ بند بندغ آک سُمکاری کرِسہ اسہ بندغ ئسے کھسفیر۔
سُمکاری بو اڈہ نا کیب آ مس۔ بیران مروکا بندغ نا پجار اصغر علی نا پن آ مس۔
پولیس ویل ئنا جاگہ آ سر مرسہ جون ئے ہسپتال آ رسیفے۔ پولیس نا رِد ئٹ دا تدینی سیاہ کاری نا پن آ مسنے۔
یاتی مرے کہ بلوچستان ئٹی غیرت نا پن آ دا ارٹمی تدینی ءِ اینو رپورٹ مسنے۔ داڑان مُست بارکھان ئٹی غیرت نا پن آ زالبول ئسے تون اوار اِرا بندغ خلننگ مسنے۔
