بلوچ اسٹوڈنٹس ایکشن کمیٹی نا کُنڈ آن کراچی نا علاقہ ملیر ئٹی بلوچ لٹریسی کمپئین نا رد ئٹ انٹریکٹیو سیشن ئس اڈ تننگا ہراٹی تنظیم نا بنجاہی انفارمیشن سیکریٹری عزیر بلوچ و سینٹرل کمیٹی نا باسک سلیم بلوچ تون اوار سیاسی کاریم کروک حفیظ بلوچ ہم بشخ ہلک۔
سیشن کاٹھور ملیر ٹی اڈ تننگا ہراٹی، پینل ڈسکشن، تقریر، تھیٹر، کتاب مُچی و تعلیمی واک اوار اسر۔
پینل ڈسکشن ٹی ملیر نا تعلیمی کاختی آ سلیم بلوچ و اسکول استاد ہارون بلوچ تون ملیر زون نا صدر شاہ تاج بلوچ گپ و تْران کریر۔
سرسنگار اِزمی مجلس نا فنکارک مسِن تا خواننگ و نشہ نا خلاف جہد آ اسہ تھیٹر ڈرامہ ئس نشان تسّر۔
دیوان ٹی کامریڈ حفیظ بلوچ تعلیمی ویل آتیا ہیت کرے و بساک نا بنجاہی انفارمیشن سیکریٹری عزیز بلوچ ملیر نا ورنا تیا و اوفتا زمہ واری تیا ہیت کرے و اوفتے خواننگ نا جہد ئے زیات وخت تننگ نا پارے۔
دیوان نا ایسر ٹی کاٹھور ٹی ‘ایجوکیشنل واک’ ئس کننگا ہراٹی خوانندہ آک کارڈ آتا خواننگ نا بارٹ نعرہ نوشتہ کریسُر و چُنا مسِن تے، مارتے خْواننگ نا کُنڈا بنّنگ نا پارت کننگاسس۔
دیوان ٹی کتاب مُچی ئس اڈ تننگا ہراڑان مخلوق کتاب ہلک، خوانندہ مارک، مسِنک نیاڑی و ایلو مخلوق دیوان ئٹی ساڑی اسّر۔
