ضلع کیچ ئنا عیلاقہ تمپ و بارکھان ئٹی سمکاری نا اِرا تدینی ٹی زالبول ئسے تون اوار مسہ بندغ بیران مسنو۔
شابیتی حوال تا ردئٹ اِستو تمپ ئنا ہند کونشقلات ئٹی درست مفروکا سلاہ بند بندغاک سمکاری کرِسہ ملک آباد تمپ ئنا ہندی سلطان ولد محمد امین ئے کھسفیر و تینٹ نرار۔
نیشنل پارٹی نا ردئٹ بیران مروکا بندغ نیشنل پارٹی نا باسک ئس اسک، واہم تدینی نا اسَل سوب چائنگ متنے۔
ایلو نیمہ غا بلوچستان نا ضلع بارکھان ئٹی سمکاری ٹی زالبول ئسے تون اوار اِرا بندغ بیران مسنو۔
لیویز آن رسینگوکا حوال تا ردئٹ اِستو بارکھان نا خڑک ئنا ہند ئسے ٹی کاروکاری نا دوبہ ٹی سلاہ بند بندغ آک سمکاری کرِسہ علی بخش ولد طوطا مری کوہلو نا ہندی و مسماۃ (ز) ولد کنری رحمت خان نا زائفہ ئے سمکاری کرِسہ خلکر و نرار۔
