ڈیرہ بگٹی آن پاکستانی لشکر پین ورنا سے دزگیر کننگ آن پد زوراکی ئٹ بیگواہ کرے۔
ضلع ڈیرہ بگٹی نا تحصیل سوئی ٹی پاکستانی لشکر نا دُو آن بیگواہ مروکا ورنا نا پجار سیوا ولد فضل محمد نا پِن ئٹ مسُنے۔
گوادر و کوئٹہ آن پاکستانی لشکر نا دُو آن زوراکی ئٹ بیگواہی نا گواچی مروکا اِرا بندغ آجو مرِسہ تینا اُرا ئے سر مسُر۔
آجو مروکا تا پجار جہانزیب ولد امام بخش سکنہ ٹی ٹی سی کالونی گوادر و شے حق بلوچ نا پِن ئٹ مسُنے۔
خاوت نا رد ئٹ شے حق بلوچ فون آ اُرا والا تے تینا آجوئی نا پک کرینے۔
یاتی مرے کہ شے حق بلوچ تون اوار شش بندغ بیگواہ مسُوسُر ہرافتان پنچ آجو مسُر ولے فاروق بلوچ دائسکان بیگواہ ءِ ۔
جہانزیب ئے خدو اگست نا تُو ئٹی زوراکی ئٹ بیگواہ کننگاسس۔
