بلیدہ زامران آن بیگواہ بندغاتا خاہوت آتا کُنڈان بلیدہ آن پیشتموکا مارچ اینو شام ئنا تربت ئے سرمس۔
مارچ ئٹی گیشتر نیاڑی و نرینہ اوار اسّ، اوفک بھلو کچ ئسیٹی بلیدہ زامران آن تربت اِسکان چِھل کلومیٹر مارچ کرسہ ڈی سی نا دفتر نا مون آ تولوک برانز کریر۔
مارچ ئٹی تربت بازار نا بھازا کسر تان ہنسہ بیگواہ تا آجوئی کن نعرہ خلنگا، اوکان پد خاہوت آک ڈی سی نا دفتر نا مون آ تولوک برانز کریر۔
‘لانگ مارچ’ نا سروکی ئے بیگواہ مسلم عارف نا باوہ عارف بلوچ، حق دو تحریک نا ضلعی صدر حاجی ناصر، وسیم سفر و ایلو بیگواہ تا خاہوت آک کننگ ئٹی اسّر۔
