بلوچستان نا دارالحکومت شال آن ہنوکا شام دو بجہ آ سادہ پُچ بینوک ڈھکوک ادارہ آ تا سلاہ بند بندغ آک اے ون سٹی فیز ون عارف پلازہ ٹی کمرہ سے آ چھاپہ خلیسہ شش خوانندہ آتے زوراکی ئٹ بیگواہ کریر۔
ہندُن حوالءِ کہ پدا مُسہ خوانندہ تے یلا کرینو، فاروق ولد سخی داد،شیہک ولد کہور خان و وزیر ولد نزیر ارا کہ سیالءُ اوفتا بابت ئٹ دائسکان خاہوت ئے ہچ حوال ئس تننگ افس۔
یاتی مرے کل بیگواہ مروکا خوانندہ آم خواننگ کن شال ٹی رہینگ اسُر و ایہُن اوفک کیچ ئنا ہندیءُ۔
کیچ ئنا بھلا شہر تُربَت شاہی تمپ آن حوال ءِ کہ دو شمبے و سئے شمبے نا نیامی شام
نا دُرست سلاہ بند بندغ آک زونگ کمپنی نا ٹاورئے مشینری تون اوار ہُشار۔
گڈیکو حوال اسکان دانا ذمہ واری ئے ہچ تنظیم ئس ہرفتنے۔
